Кристијан Луботин ги дизајнираше најскапите детски чевлички

Омилениот дизајнер за чевли на славните дами неодамна ја претстави колекцијата за “мини” дамите.

img

Познатиот француски дизајнер ја претстави ограничената колекција на луксузни чевлички за бебиња. Малите Луботинки доаѓаат во разнобојни сатенски изданија, а ги краси препознатливиот црвен ѓон.  

Колекцијата “Loubibabys” настанала во соработка помеѓу Кристијан Луботин и Гвинет Палтроу, а истата ќе се продава во онлајн продавниците на нејзиниот бренд “Goop” од средината на ноември.

Токму како и оригиналот, така и овие мини Луботинки чинат цело богатство, а доколку сакате вашето дете да поседува еден ваков пар луксузни чевлички, треба да издвоите 250 долари.

И покрај високата цена, “Footwear News” наведува дека за нив постои подолга листа на чекање.

 

 

Facebook impact:

Објавено недела, 08 октомври 2017 05:46:00
Напишано од емилија