Патот од Миравци до Петрово e пробиен

Локалниот пат од Миравци до Петрово, кој од вчера беше во прекин поради снежни наноси на неколку места, попладнево беше пробиен и ставен во употреба. На отстранување на снегот работеа екипите од фирмата „Карго рент“ и гевгелиското комунално претпријатие, кои се задолжени за дејствување во зимски услови.

 

img

Дежурните екипи кои работеа на отстранување на снежните наноси соопштија дека тие биле највисоки пред горнината до селото, каде што всушност патот бил затрупан од снег, замрзнат и непрооден за локалните жители.

Покрај пробивањето на овој патен правец, поради снегот кој до попладнево провејуваше во општина Гевгелија, било интервенирано на локалните патишта до подпланинските села Ново Конско и Кованец како и на патните правци од Миравци кон Давидово и Милетково.

Со сол и ризла денеска повторно беше помината и автопатната делница од Гевгелија до граничниот премин „Богородица“ по која сообраќајот се одвива нормално на влажен коловоз.

Facebook impact:

Објавено среда, 11 јануари 2017 17:45
Напишано од elenaM



Барај