ФАНОВИТЕ РАЗОЧАРАНИ: Трофеен фудбалски клуб и поранешен европски првак повеќе не постои!

Најтрофејниот романски клуб и поранешен европски првак, Стеауа повеќе не постои! Ова е одлуката на Врховниот суд на Романија кој пресуди во корист на Министерството за одбрана.

img

На славниот клуб чиј сопственик е контроверзниот бизнисмен, Џиџи Бекали, ќе му бидат одземени името и грбот и нема да може да биде легитимен наследник на клубот кој во 1947 година го основа Министерството за одбрана.

Овој случај по тужбата на Министерството за одбрана долго се влечеше низ судските лавиринти, а пресудата која Врховниот суд ја донесе во четвртокот е конечна.

Клубот повеќе не смее да го носи името Стеауа, а исто така нема да може да се натпреварува во Првата лига на Романија.

„Сѐ е готово, Стеауа повеќе не постои! Не знам што ќе биде во иднина и како ситуацијата ќе се развива“, изјавил неименуван клупски функционер.

Романските медиуми наведуваат дека новото име на клубот ќе биде ФЦСБ и дека новиот субјект ќе започне од нула, односно ќе започне да се натпреварува во четвртата романска лига, најверојатно уште од наредната сезона.

Стеауа од основањето има освоено 26 шампионски титули во Романија и рекордни 22 титули во Купот. Од наведените трофеи, по падот на комунистичкиот режим клубот бил 12 пати шампион и шест пати освојувач на Купот.

Најголемиот клупски успех датира од сезоната 1985/1986 кога Стеауа стана европски шампион.

Facebook impact:

Објавено петок, 23 декември 2016 07:39:00
Напишано од Ирина