Прв бод за Македонија на европските првенства

Младите македонски фудбалери пропуштија голема можност да ја совладаат Србија на Европското првенство за играчи до 21 година што се одржува во Полска.

img

Во натпреварот од 2.коло на Б групата одигран попладнево во Бидгошч, селекциите на Македонија и Србија одиграа без победник 2:2.

Србите првиот дел го добија благодарение на голот на Мијат Гачиновиќ во 24.минута, на кој му претходеше недозволена офсајд ситуација на асистентот Урош Џурѓевиќ. Сепак. Во вториот дел црвено-жолтите успеаја да направат комплетен резултатски пресврт. Во 64.минута Барди од пенал го израмни резултатот на 1:1, а Ѓорѓев во 83.минута со прекрасен гол и донесе водство на Македонија од 2:1.

Шансата да се забележи првата победа на шампионатот беше пропуштена во последната 90.минута, која Џурѓевиќ со глава го совлада нашиот голман Алексовски.

Во вториот меч од оваа група вечерва (20:45 часот) ќе играат Португалија и Шпанија, селекции кои во првото коло беа забележаа победи.

Facebook impact:

Објавено вторник, 20 јуни 2017 08:39:00
Напишано од sasho


Последни вести