Се најде купец за Роналдо?

Како што јавува шпанска „Марка“ од Франција пристигнува потврда дека ПСЖ се заинтересирани за славниот португалски фудбалер.

img

Судејќи по пишувањата на португалските и шпанските медиуми, Кристијано Роналдо не само што е заинтересиран да го напушти Реал Мадрид, туку на негова адреса наскоро ќе пристигне и понуда за трансфер.

Португалскиот весник „DN“ пишува дека Реал од Французите може да очекува околу 150 милиони евра, кои најпрво ќе понудат 100 милиони, а потоа ќе го зголемат износот доколку првиот не биде доволен.

Француски „Екип“ се надоврзува со информација дека ПСЖ има буџет од 220 милиони евра за засилувања во летниот преоден рок, па лесно може нивното внимание да се сврти кон Роналдо.

До сега главната цел беше младиот шпиц на Монако, Килијан Мбапе, но парискиот клуб и покрај големите можности не би можеле да ги ангажираат двајцата.

.

Тагови:

Facebook impact:

Објавено среда, 21 јуни 2017 07:17:00
Напишано од емилија