Седуммесечно бебе почина од морбили во Тирана

Бебето неколку дена било во Одделот за реанимација, но поради компликаци и појава на бронхопневмонија, докторите не можеле да му го спасат животот.

img

На Клиниката за детски болести во Тирана од морбили почина седуммесечно бебе, јави дописникот на МИА.

Бебето неколку дена било во Одделот за реанимација, но поради компликаци и појава на бронхопневмонија, докторите не можеле да му го спасат животот.

Бројот на заболени од мали сипаници во Албанија се искачи на 80, главно деца кои не примиле вакцина против оваа заразна болест.

Според епидемиолог од Институтот за јавно здравје во Тирана, Адела Васили, околу четири отсто од албанската популација не е вакцинирана против морбили.

– Само во Тирана има околу 1.300 деца кои наполниле една година, а родителите им ја одлагаат вакцинацијата, дел од нив поради негативната пропаганда дека наводно по добивање на вакцината против морбили кај детето се јавува аутзам, што не е точно, вели Васили.

Таа апелира до родителите да не потпаѓаат под вакви влијанија и децата да ги вакцинираат што е во интерес на нивното здравје.  (МИА)

Тагови:

Facebook impact:

Објавено петок, 09 февруари 2018 08:28:00
Напишано од емилија