Турска пратеничка осудена на 9 месеци затвор поради навреда на претседателот

Турска пратеничка од прокурдската Демократска партија на народите (ХДП) е осудена на девет месеци затвор за навреда на претседателот, јавија турските медиуми повикувајќи се на извор од судот.

img

Пресудата за пратеничката Лејла Бирлик била издадена од судот во југоисточниот град Шернак.

Бирлик беше уапсена на 4 ноември 2016 година и беше ослободена четири месеци подоцна. Пред извесно време таа беше обвинета за членство во терористичка група.

Во моментов во затвор се наоѓаат девет пратеници на ХДП кои се обвинети за тероризам. Меѓу уапсените се потпретседателот на партијата Селјахатин Демирташ и поранешната партиска потпретседателка Фиген Јуксекдаг.

Тагови:

Facebook impact:

Објавено четврток, 04 јануари 2018 10:39:00
Напишано од Вероника