Tesla го надмина и BMW по пазарна вредност

Компанијата Tesla Motors го надмина BMW по пазарна вредност, откако при затворањето на берзите во петокот, нејзините акции „рипнаа“ за 1,6%. Така производителот на електрични возила веќе вреди 61,6 милијарди долари, или 280 милиони повеќе од BMW, соопшти Automotive News.

img

На овој начин Tesla стана четвртиот „најскап автомобилски производител“ во светот, по Toyota, Daimler и Volkswagen. Соодветно компанијата на Илон Маск е на прво место меѓу американските производители. Очекувањата се акциите на Tesla да продолжат да растат, бидејки во јули започнува сериското производство на ценовно достапниот автомобил на марката - Model 3. Тој ќе може да поминува со едно полнење меѓу 340 и 480 километри. Почетната цена на Model 3 ќе биде околу 35.000 долари.

Во 2019 година на пазарот ќе излезе и компактен кросовер - Model Y, кој ќе користи целосно нова платформа и ќе биде малку поскап. Во истата година Tesla ќе предложи и електричен пикап, а потоа и камион.

Тагови:

Tesla BMW

Facebook impact:

Објавено сабота, 10 јуни 2017 03:46:00
Напишано од Виолета