Поради грешка во „Whats app“ хакерите ги гледаат вашите четови

По безбедносни проверки откриена е грешка во ВатсАп (WhatsApp), поради која хакерите можат да се инфилтрираат во секој приватен групен чет на таа апликација, јави Вајрд.

img

Иако програмерите на ВатсАп се обиделе да го решат проблемот, експертите тврдат дека тој се уште не е отстранет и оти без дозвола на администраторот на групата во секоја конверзација можат да се вклучат уште луѓе, а тоа никој да не го забележи.

Претставници на Фејсбук, во чија сопственост е апликацијата, соопштија дека грешката „не е опасна“, затоа што сите во групен чет добиваат известување кога ќе им се приклучи некој нов член, па можат веднаш да реагираат.

Грешката во ВатсАп е откриена на една безбедносна конференција во Цирих.

Делумна утеха за корисниците е тоа што уфрлените нови членови во четот не можат да ги читааат претходните пораки. Експертите на корисниците им советуваат да користат комуникација еден на еден, ако сакаат да бидат целосно сигурни.

Тагови:

Facebook impact:

Објавено понеделник, 15 јануари 2018 11:10:00
Напишано од Вероника


Последни вести