Бидете внимателни, во промет има фалсификувани банкноти

Кавадаречката полиција приведе тројца кавадарчани кои пуштиле во оптек фалсификувани пари, a е поднесена и кривична пријава за стореното кривично дело, информираа од СВР Велес. Покрај во Кавадарци, парите со ист сериски број биле пуштени и во други градови.
Полициската страница Кавадарци поднесе кривична пријава против Б.Ч.(27), Љ.Т.(30) и С.О.(20), сите од Кавадарци, поради постоење основи на сомнение за сторено кривично дело „фалсификување на пари“. Пријавените, делото госториле во текот на јуни оваа година. Тие набавиле вкупно 193 банкноти од по 500 денари, сите со ист сериски број и 1000 денари со исти сериски број, по што ги пуштале во промет во Кавадарци и во другите градови – вели портпаролот на СВР Велес, Верољуб Додевски.
Лицата се приведени во полициска станица за понатамошна постапка.
Извор:република.мк

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.