Во Ниш паднала гумена играчница и “затрупала“ деца, родителите во паника

Група деца вчера биле кратко затрупани под голема гумена играчница во паркот “Чаир“ во Ниш, откако откажала пумпата за надувување со воздух. Мајка на едно четиригодишно момче изјавила дека децата имале голема среќа што никој не е повреден во инцидентот, но сите биле сериозно преплашени.
– Играчницата на надувување во еден момент се урна преку децата. Ги извлекувавме како знаевме и умеевме. Мојот сопруг успеа нашето дете да го извлече последно. Гумата која падна преку децата е претешка и внатре нема кислород. Сите бевме исплашени, а некои луѓе почнаа да врескаат, изјави мајката.
Според неа, човекот кој наплатува билети за влез во играчницата истакнал дека пумпата откажала и „оти тоа се случува“. Потоа тој повторно ја напумпал играчницата и продолжил да работи како ништо да не се случило.
Родителите најавија дека вчерашниот инцидент ќе го пријават до надлежните служби бидејќи била загрозена безбедноста на децата.

 

 

 

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.