РУСИЈА: Во Украина се распоредени 150.000 резервисти

Русија распореди во Украина речиси половина од луѓето регрутирани во делумната мобилизација на резервистите, односно околу 150.000 војници, изјави денеска рускиот претседател Владимир Путин.

„Од 300.000 наши мобилизирани борци, наши луѓе, нашите бранители на татковината, 150.000 се во оперативната зона“, рече Путин за време на состанок кој беше во живо пренесуван на телевизија.

Тој прецизираше дека од тој број, 77.000 резервисти биле директно распоредени во борбите. Путин призна дека конфликтот во Украина е „долг“ и во исто време ги пофали „значајните резултати“ во врска со анексијата на четири украински региони.

„Се разбира, тоа е долг процес“, рече Путин на состанокот, пред да ја поздрави „појавата на нови територии“ како „значаен резултат за Русија“.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.