Во Штип е опожарено едно возило, а друго е делумно оштетено

Loading...

Во Штип рано изутринава во 5:40 часот на улицата „Сремски фронт“ на паркинг просторот меѓу двете станбени згради е опожарено едно возило, а друго е делумно оштетено.
Емир Чавиров сопственик на возилото марка „мрецедес“ вели дека Противпожарната служба веднаш пристигнала, но возилото за кратко време е целосно изгорено. Вели дека нема никаква причина, ниту пак непријатели за да му наштетат и да му направат вакво злодело. Очекува полицијата да ги најде сторителите на намерното палење на неговиот автомобил. Смета дека сега автомобилот, а утре може и некој да загине при вакво палење на возилата во Штип.
МИА пред неколку дена информираше за палење на три возила и на две делумно оштетени во штипската наслеба Сењак. Според доказите и во тој случај станува збор за намерно палење на автомобилите со запаливи течности.

 

loading...