ГРУБИ: 74 ПРАТЕНИЦИ СЕ „ЗА” УСТАВНИТЕ ИЗМЕНИ, ЌЕ ОБЕЗБЕДИМЕ УШТЕ ШЕСТ ОД МАКЕДОНСКАТА ОПОЗИЦИЈА

Во моментов 74 пратеници во Собранието се „за” уставните измени и ќе успееме да ги обезбедиме гласовите на уште шест пратеници од македонската опозиција, кои недостигаат за двотретинско мнозинство, истакна првиот заменик на претседателот на Владата и министер за политички систем и односи меѓу заедниците, Артан Груби, во вчерашното гостување во „Клик плус“ на ТВ21.

„Шестмината ќе ги најдеме во проевропскиот дел на опозицијата, каде тој европски дух е во растеж и тоа е очигледно. На кого мислам? На македонската опозиција. Дали мислам на пратеници на ВМРО? Македонската опозиција не е само ВМРО“, рече Груби.

На прашањето дали мислат дека ќе добијат гласови и од Левица, Груби одговори дека во опозицијата има и други политички партии во рамките на коалицијата на ВМРО-ДПМНЕ.
„Ја имате Социјалистичката партија, ја имате српската партија, ја имате ромската партија, имате други партии, има и независни пратеници“, рече Груби.

За тоа дали со оставката на Горан Милевски од министерска функција се отвори патот и за мала реконструкција на Владата, тој со став дека не е планирана никаква владина рекострукција.

„До овој момент додека сум во студио, не сум запознаен дека ќе има некаква реконструкција на владата, освен оставката на Горан Милевски. Немало разговори во владата за такво нешто. Нема планирани промени, не само во владата туку и на директорските места“, изјави Груби.

Извор: 365

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.