Припадници на американската тајна служба отвориле оган врз маж кој влегол на терен за голф во Вест Палм Бич каде бил присутен поранешниот американски претседател Доналд Трамп.
Тајната служба веднаш го однела Трамп на безбедно место, а „Њујорк пост“ неофицијално пренесува дека агентите отвориле оган кога забележале дека човекот носи нешто што личи на цевка за пиштол.
Сè уште не е јасно дали мажот бил на теренот за голф или во близина, а еден од агентите наводно испукал повеќе истрели.
- Претседателот Трамп е безбеден по пукањето во негова близина. Засега нема повеќе детали – изјави во неделата попладне портпаролот на Трамп Стивен Чеунг.
Мажот побегнал со автомобил, а подоцна бил уапсен од локалната полиција, според NY Post. Мотивите на мажот се уште не се познати.
„Њујорк пост“ најпрвин објави дека две лица пукале меѓу себе надвор од клубот и дека на Трамп не му се заканувале.
Пронајдете не на следниве мрежи:
