Евтина, а богата паста

Loading...

Доколку не сакате да го поминете целиот ден во кујна, или барате ново јадење, имаме предлог за вас.
Евтин и сочен ручек со тестенини, спанаќ и кашкавал кој сигурно ќе ги задоволи сите ваши барања.
Подготовката е многу едноставна, а штом ќе го пробате овој рецепт, ќе ви стане еден од омилените.
На крајот на краиштата, обидете се и уживајте, нема што да загубите.
Потребни состојки:
300 gr тестенини (по избор)
200 gr спанаќ
200 ml јогурт
300 ml млеко
2-4 јајца
50 gr кашкавал
50 gr сирење
50 ml маслиново масло
сол
бибер
гранули од лук
Подготовка:
Сварете ги тестенините. Ние препорачуваме тоа да бидат фузили, но може и макарони или други. Во тавче со димензии 30×20 намачкајте со малсиново масло, па истурете ги тестенините во тавчето и распоредете ги.
Во сад изматете ги јајцата, додајте маслиново масло, јогурт, млеко и една лажица рендан кашкавал. Додадете сол и бибер.
Потоа додајте ги гранулите лук и спанаќот исечкан на резанки. Измешајте сè.
Одозгора издробете коцка сирење и изрендајте кашкавал. Се пече во рерна околу 45 минути на 220°C.

loading...
Loading...