Жените од оваа земја се убави и витки- еве ја нивната тајна

Високи, убави, светли и витки- четири најкористени зборови за да ги опишеме Швеѓаните. Тие се наоѓаат на листата на најубави луѓе во светот.

Но, која е нивната тајна?

Жителите на Шведска се дел од масовниот тренд за редовно вежбање и правилна, врамнотежена исхрана. Тој тренд не ја зафаќа само младата популација, која сака да изгледа добро, туку и повозрасните, кои се грижат и за своето здравје и благостојба.

Шведска е држава во која седум од десет жители се занимаваат со некаква физичка активност. Ним не им пречи ни сивото, ни студено време, или пак снегот или дождот, бидејќи тоа за нив е дел од „обврските“ кои се важни да бидат завршени.

Со оглед на тоа дека знаат дека вежбањето без правилната исхрана не носи посакувани резултати, Швеѓаните обрнуваат големо внимание на конзумирањето здрави намирници. Високо на нивната листа се протеините.