Кадиров: Чеченија го исполни планот за армијата за 254 отсто, нема да испратиме никого

Лидерот на Чеченија Рамзан Кадиров изјави дека во оваа република нема да се изврши воена мобилизација.

Што се однесува до оние кои критикуваат, велат дека се патриоти, а ја напуштиле Русија по одлуката за мобилизација, таквите кукавички ѓубриња треба да се затворат засекогаш – заклучи Кадиров.
Кадиров: Чеченија го исполни планот за армијата за 254 отсто, нема да испратиме никого

Оваа одлука е донесена и покрај тоа што претседателот на Русија, Владимир Путин потпиша указ со кој се пропишува делумна мобилизација во таа земја.

Протести против одлуката

Чеченија го надмина планот за мобилизација. Овој механизам го разработивме од самиот почеток, уште пред најавата за делумна мобилизација. Дополнително, републиката има резерва од илјада доброволци кои, доколку е потребно, ќе се приклучат во Украина – рече Кадиров.

Тој додаде дека Чеченија го исполнила својот план за армијата за 254 отсто. Во чеченскиот град Грозни, по најавата на Путин, 50 жени се собраа да протестираат против оваа одлука. И покрај тоа што полицијата уапси неколку жени, Кадиров рече дека нема потреба од протести во Чеченија.

Граѓански став
-Го повикувам населението на Чеченската Република, особено нашите сакани и почитувани мајки, да останат смирени. Секој треба да има јасен граѓански став и да не биде наивен. Што се однесува до оние кои критикуваат, велат дека се патриоти, а ја напуштиле Русија по одлуката за мобилизација, таквите кукавички ѓубриња треба да се затворат засекогаш – заклучи Кадиров.

Да потсетиме, самиот Путин ја потпиша одлуката за делумна мобилизација на 21 септември. Иако министерот за одбрана Сергеј Шојгу нагласи дека одлуката вклучува повикување до 300.000 војници, руските медиуми дознаваат дека одлуката може да опфати и до милион резервисти кои Руската Федерација може да ги повика за војната во Украина.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.