Кина ги поддржува сите напори што водат кон мировни преговори во Украина, изјави денеска кинескиот министер за надворешни работи Ванг Ји пред Советот за безбедност на Обединетите нации, нагласувајќи дека Газа и Западниот Брег не се „парички во трговијата со компромиси“.„Кина ги поддржува сите напори кои придонесуваат за мировните преговори”, рече Ванд пред Советот за безбедност на ОН откако руските и американските претставници се сретнаа денеска во Саудиска Арабија и се согласија да продолжат со напорите за ставање крај на војната во Украина.Тој рече дека Пекинг ќе продолжи да ги следи четирите точки наведени од кинескиот претседател Си Џинпинг во април минатата година за тоа што треба да се направи.Тие се однесуваат на воздржување од барање себични придобивки, не додавање масло на огнот, создавање услови за враќање на мирот и намалување на негативното влијание врз светската економија и воздржување од поткопување на стабилноста на глобалните индустриски и снабдувачки синџири.Да потсетиме дека на денешната средба во Ријад, делегациите на Русија и САД се договорија за рестартирање на дипломатските односи меѓу двете земји, но и за почеток на формални консултации за завршување на војната во Украина.Руската делегација на средбата, која траеше околу 4,5 часа, ја сочинуваа министерот за надворешни работи Сергеј Лавров, помошникот на претседателот Јуриј Ушаков и директорот на рускиот Фонд за директни инвестиции Кирил Дмитриев, додека американската делегација ја сочинуваа американскиот државен секретар Марко Рубио, советникот за национална безбедност на американскиот претседател Доналд Трамп за Блискиот Исток Мајк Волц и специјалниот пратеник на САД за Блискиот Исток Степхен.
Пронајдете не на следниве мрежи:
