Криси Тајген чека трето бебе

САД– Манекенката Криси Тајген го очекува своето трето дете со музичарот Џон Леџенд речиси две години откако го загуби неродениот син, Џек. Веста за бременоста таа ја потврди на Инстаграм.

Криси Тајген чека трето бебе

„Изминативе неколку години беа исполнети со измешани емоции, но радоста повторно ни го исполни домот и срцата. Досега си велев самата себе – ‘Добро, ако е здраво денеска, ќе објавам’. Здивнувам со олеснување кога го слушам чукањето на срцето. Засега, сè е убаво и совршено. Полна сум со надеж, се чувствувам неверојатно. Беше тешко да го задржам ова за себе“, напиша Криси на Инстаграм покрај фотографија од себе, покажувајќи го трудничкото стомаче.

Следачите ѝ честитаат среќни за неа и нејзиниот сопруг…

За потсетување, во септември 2020 година, Криси објави дека го изгубила својот нероден син Џек. Таа тогаш забременила по природен пат, додека ќерката Луна и синот Мајлс ги добила преку тн. ИВФ-третман.

„Толку многу сакам да бидам бремена и тажна сум што никогаш повеќе нема да бидам“, рече таа тогаш, три месеци по спонтаниот абортус.

Во февруари оваа година, сопругата на Џон Леџенд на Инстаграм објави фотографија од лековите кои се инјектираат при зафатот за ин-витро оплодување. Таа и навестуваше дека се надева на друго бебе.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.