Повозрасна брачна двојка од Куманово доби кривична пријава за мачење животни, откако го тепале кучето на нивниот сосед, кое им заклало 15 кокошки во шталата во кумановското село Љубодраг, соопшти полицијата.
СВР Куманово поднесе кривична пријава против Љ.М.(66) и М.М.(61), двајцата од с. Љубодраг, кумановско, поради постоење основи на сомнение за сторено кривично дело „мачење животни”.
„Пријавените, на 24.01.2023 во с.Љубодраг со тврди предмети го удирале кучето на нивниот сосед Д.Н., откако влегло во нивна штала и усмртило 15 нивни кокошки“, информираат од Министерството за внатрешни работи.
