Маричиќ: Вандалскиот чин во Битола е напад на односите кои ги градиме и дијалогот кој го водиме со Бугарија

Заменик претседателот на Владата задолжен за европски прашања, Бојан Маричиќ, најостро го осуди палењето на влезот на културниот центар „Иван Михајлов“ во Битола, со убедување дека ваквите мали провокации нема да ги победат искрената заложба и досегашниот труд, кои оваа влада ги вложи во враќање на дијалогот со Бугарија и враќање во нормала односите помеѓу двата народи.

Бојан Маричиќ

Изразувам жалење за денешниот инцидент во Битола. Палењето на влезот на здружението „Иван Михајлов е директен напад на односите кои ги градиме и дијалогот кој го водиме со соседна Бугарија.

Провокациите не носат добро никому, само ги разгоруваат националните емоции кај граѓаните од двете држави, кои штетат на соработката и добрососедските односи. 

Најостро го осудувам ваквиот вандалски чин и убеден сум дека овие мали провокации нема да ги победат искрената заложба и досегашниот труд кои ги вложивме во враќање на дијалогот со Бугарија и враќање во нормала односите помеѓу двата народи.

Верувам во работата на надлежните институции и очекувам брз епилог и адекватна казна за сторителот/сторителите, стои на Фејсбук профилот на вицепремиерот Маричиќ. 

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.