Не ја спасивте Македонија туку им дадовте македонска националност и јазик на соседите

Loading...

Ова му го порача лидерот на грчката опозициска партија “Нова демократија“ Кирјакос Мицотакис на грчкиот премиер, Алексис Ципрас кој во петокот од Солун рече дека „левицата не ја продава Македонија, туку со Договорот од Преспа го спасува културното и историското наследство на грчката Македонија, јави дописничката на МИА од Атина.
Во своето обраќање на крајот од тридневниот партиски конгрес, коментирајќи го говорот на Ципрас од Солун, Мицотакис рече дека ако грчкиот премиер бил малку повеќе запознаен со историјата на земјата и „со борбите што нашите предци ги водеа за Македонија да стане грчка и Грција она што е денес, немаше да оди во Солун за да ни каже дека СИРИЗА ја спаси Македонија”.
-Господине Ципрас, слушнете ме добро: не ја спасивте Македонија, единствено што направивте е да им дадете македонска националност и јазик на нашите соседи. Единствено што направивте е да кажете „да” таму каде што другите имаа храброст да кажат „не”. И го поставивте наспроти вас огромното мнозинство од општество за да обезбедите некои делчиња од вашиот уништен кредибилитет. Престанете веќе да ги навредувате Македонците и сите Грци. Престанете да го карактеризирате екстремен десничар и националист секој кој не се согласува со вашата политика. Повторно ќе кажам дека Нова демократија со сите сили е против националната отстапка од Договорот од Преспа, рече Мицотакис.

.

loading...