Нов Зеланд следната недела може да се врати во нормален живот

Loading...

Премиерката на Нов Зеланд Џасинда Ардерн најави дека најрано следната недела би можеле да се укинат рестриктивните мерки во оваа земја.
На Нов Зеланд веќе два месеци се на сила строги мерки и четврто ниво на предупредување, а премиерката во понеделник би можела да го спушти предупредувањето на прво ниво во рамки на кое нема мерки на задолжително држење дистанца и ограничување на бројот на лица во кафулињата, клубовите, црквите и на спортските случувања.
Веќе 12 дена по ред во Нов Зеланд не е регистриран ниту еден нов случај на коронавирус, а во моментов само едно лице е позитивно на вирусот. Од почеток на епидемијата регистрирани се 1.504 позитивни случаи на Ковид-19 и 22 починати лица.

loading...