Околу 28 милиони евра за над 350 илјади корисници од државните пари

Loading...

Од вчера напладне граѓаните на веб-страницата kupuvamdomasno.gov.mk имаат на увид дали ќе добијат домашна платежна картичка за купување на домашни производи. Министерката за финансии Нина Ангеловска информираше дека на списокот се 350 илјади корисници, на чии картички ќе легнат вкупно 27,8 милиони евра.

Граѓани со низок доход од нив се 113.927, приматели на социјална помош и активни баратели на работа. За оваа група следуваат картички со 9.000. Втората група ја сочинуваат 117.144 вработени чии месечни нето плати и додатоци не надминуваат 15.000 денари. За нив се издадени картички со 3.000 денари. Картички со иста сума ќе добијат 87.014 средношколци и студенти на возраст од 16 до 29 години.

Награда од 40 проценти во висина на последната нето плата што ја примиле на картичките ќе добијат здравствените работници ангажирани во справување со ковид-19.

– Со овие средства ќе се поддржат загрозените категории на граѓани, ќе се поттикне потрошувачката на домашни производи и услуги и преку вбризгување на 28 милиони евра ќе се поттикне економската активност.

Со овва се придонесува за ревитализирање на македонската економија во услови на ковид-19, истакна министерката Ангеловска и додаде дека со користењето на картичките за краток временски период ќе се инјектираат висок износ на средства во трговијата на мало и услужната дејност.

* * * * Следете не на Фејсбук. * * * * Имаме интересни содржини секој ден, сите не се објавуваат на сајтот!!
loading...