„ПАРИ“ ОТКРИВА: 10 градежни фирми со чист профит од над 20 милиони евра, кој доби, а кој изгуби лани!

Во услови на криза, прво предизвикана од пандемијата, а потоа и од руско-украинската војна, најбрзо страдаат проекциите за капиталните инвестиции, а тоа значи помал ангажман и на градежните компании. Но, она што беше добрата страна за градежништвото во изминатиов период е градежната експанзија во однос на станбената изградба. Интересно, колку и да се градат нови станови во Скопје, за нив има интерес. Од градежната фела велат дека се распродавале и цели згради уште во текот на градбата. Економистите ова го поврзуваат и со страв од чување пари во несигурни времиња, како и од страв да не девалвира денарот, што е предизвикан од постојано шпекулирање на таа тема. Притисокот на страната на понудата дозволи раст на цените, па Народната банка го евинтираше скокот од дури 12,4 проценти за само една година (прв кавартал од 2022 година споредено со прв квартал од 2021 година).

Порталот „Пари“ во соработка со БизнисМрежа.мк ги анализираше приходите и добивките на најголемите градежни компании во Македонија. Заклучокот е дека има промени во 2021 година во однос на најприходните и најпрофитабилните градежни фирми во 2020 година, но дека прометот, односно приходите на врвните 10 позиции е сличен како и лани, а истото се однесува и за добивките.

Првите 10 компании кои се на листата со најголеми приходи, заедно оствариле промет од 144,6 милиони евра. Во 2020 година пак, тие што беа на тогашната листа ТОП 10 компании по приход остварија вкупни приходи од 149 милиони евра. Интересен е и фактот што годинава, листата на најприходните компании е поинаква од ланската. Сега во првите 10 влегле „Саник инженеринг“- Скопје, „Крмзов –мр“- Струмица, „Џвахир групација“ – Турција, подружница РСМ и „Специјал“-Скопје, а излегле: „Афердита И“- Кичево, „Серка Тааххут Иншаат Ааноним Ширкети“ – Р.Турција – подружница во Гевгелија, „Офис ком“- Скопје и „Сим инженеринг“ – Струмица.

ТОП 10 ГРАДЕЖНИ ФИРМИ ПО ПРИХОД ЗА 2021 ГОДИНА

(во милиони евра)

КОМПАНИЈАПРИХОДИ 2021РАСТ 2021/2020
Жикол – Струмица22,6+  9,14%
ЗСФК- КОМ – Скопје18,9+ 56,4%
Крмзов- мр – Струмица15,7+19,4%
АК Инвест- Тетово15,1-54,6%
Саник инженеринг- Скопје13,7+ 66,7%
Стентон градба – Битола11,6+ 66,12%
Карпош- Скопје10,7-26,89%
Џевахир – подруж. РСМ10,2+113,0%
Специјал градба – Скопје10,1+ 119,72%

Како што може да се забележи сите овие компании, освен две – „АК Инвест“ од Тетово и „Карпош“од Скопје ги зголемиле своите приходи во текот на минатата година во однос на 2020 година. Инаку во 2020 година, токму АК Инвест беше градежната компанија со најголем приход во државава, а сега тоа место му припадна на „Жикол“ кој лани беше втор на листата. Но, најголемиот приход не обезбедил и најголема добивка за „Жикол“, па тој е дури на последното 10-то место меѓу ТОП 10 фирми со најголема добивка.

Податоците покажуваат и дека 10-те најголемите компании по приходи не се истовремено и најголеми според добивката. Во групата 10 најголеми градежни компании по добивка не влегуваат: „Крмзов мр“. „Карпош“, „Џевахир“ и „Специјал градба“. Но, затоа, иако не се најголеми по приход, голема добивка, достојна за влез во првите 10 компании имаат. „Импексел 2“, „Адора“, „Биси“ и „Настел“. Првите 10 компании по добивка оствариле вкупна добивка од 20,3 милиони евра.

ТОП 10 ГРАДЕЖНИ ФИРМИ ПО ДОБИВКА ВО 2021 ГОДИНА

(во милиони евра)

КОМПАНИЈАДОБИВКА 2021РАСТ НА ДОБИВКАТА
ЗСФК- КОМ – Скопје5,4+ 42,8 %
Адора – Скопје2,6– 3,33%
Саник – Скопје2,4+66%
Импексел 2 – Гостивар1,7+958,7%
Биси – Скопје1,5+ 19,36%
АК Инвест  -Тетово1,5+ 60,88%
Стентон градба – Битола1,4+24,13%
Настел-Скопје1,3+2,41%
Рапид билд – Куманово1,3+ 136,6%
Жикол – Струмица1,2-56,09%

Целата анализа е достапна на следниот линк: https://pari.com.mk/pari-otkriva-10-gradezni-firmi-socist-profit-nad-20-milioni-evra/

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.