Пендаровски: Не сакам да ја поткопувам иницијативата на премиерот, но сметам дека вистинско место за лидерска е кај претседателот 

Претседателот на државава, Стево Пендаровски смета дека вистинското место за лидерската средба е кај шефот на државата.
-Не би сакал да ја поткопувам иницијативата на премиерот за лидерска средба за важни прашања, сепак сметам дека вистинското место за лидерската средба е кај претседателот на државата, вели Пендаровски во интервју за “Радио Слободна Европа“.
-Сакам да бидам искрен. Мислам дека за неколку битни прашања, како што е на пример идната позиционираност на СЈО во нашиот правосуден систем или пописот кој за жал почна да се политизира, иако законот се уште не е донесен и неколку други слични битни работи, мислам дека вистинското место за средби е кај претседателот на државата, додава Пендаровски, потенцирајќи дека се сомнева оти заради големата политичка поделба меѓу двете партии СДСМ и ВМРО-ДПМНЕ е можна продуктивна средба од тој формат кога едната или другата партија е организатор.

Loading...