Пилешко на грчки начин

Loading...

Предлог што да зготвите за денешниот ручек.
Потребни состојки:
400 гр компири
Две лажици маслиново масло
4 пилешки батаци со карабатак
1 лажичка оригано
Сол и бибер
Рузмарин
200 гр фета сирење
30 маслинки
200 гр шери домати
1 лажица јаболков оцет
Начин на подготовка:
Вклучете ја рерната на 200 степени, а во тава ставете хартија за печење. Посолете ги компирите кои претходно ќе ги исечкате на коцки, ставете ги во тава на хартија за печење и посипете ги со 1 лажица маслиново масло.
Посолете го месото, додајте и од сушените зачини, премачкајте го со маслиново масло и ставете го во тава врз компирите.
Печете во загреана рерна околу 40 минути. По 40 минути, извадете ја тавата од рерна, додајте фета сирење, маслинки, шери домати, јаболков оцет и вратете во рерна па печете уште 35 минути.

loading...