Пире од карфиол

Карфиолот може да послужи како одлична замена за компирот, а покрај тоа што е исклучително здрав, содржи многу малку калории, па затоа е идеален доколку внимавате на линијата. Карфиолот има прилично неутрален вкус, па затоа е важно да се најде трик за негова подготовка, а ќе биде особено кремаст ако додадете пилешки густин.
Додека повеќето луѓе знаат за рецептот за мусака од карфиол, можете да го пробате и овој за пире од карфиол што совршено оди со секое месо.
Потребни состојки:
1 карфиол
1 кромид
4 чешниња лук
1 шолја супа од пилешко
30 gr путер
сол
Подготовка:
Во поголемо тенџере растопете го путерот на средна температура. Додадете исечкан лук и кромид и пропржете со постојано мешање додека не пожолтат. Намалете ја температурата по потреба за лукот да не изгори. Додадете исчистен и исечкан карфиол и пилешката супа. Покријте, динстајте и варете со прилагодување на температурата додека карфиолот целосно не омекне – околу 15 минути. Отстранете го капакот и оставете ја целата течност да врие додека не испари. Потоа карфиолот изматете го во блендер или со миксер за да добиете мазна текстура на пирето. По желба украсете со магдонос.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.