Повторно не е избран претседател на Албанија

Парламентот на Албанија денеска не успеа да избере нов претседател, бидејќи ниту еден кандидат не беше предложен за третиот круг на гласање.
Владејачката левичарска Социјалистичка партија и опозицијата не успеаја да постигнат компромис за кандидатот кој ќе го замени претседателот Илир Мета, а не беше номинирани ниту еден независен кандидат.
Во првите три круга победникот мора да обезбеди најмалку три петтини од гласовите или поддршка од 84 пратеници.
Владејачките социјалисти, кои контролираат 74 од 140 места во Парламентот, немаат гласови за да го изберат посакуваниот кандидат, но потребно е просто мнозинство во последните два круга на гласање т.е. 71 пратеник.
Иако не се гласаше во првите три круга во изминатите три понеделници, парламентарната правна комисија соопшти дека формално „оценува дека гласањето е одржано“.
Мандатот на актуелниот претседател Илир Мета истекува на 24 јули.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.