Претпладне променливо облачно: Попладне пороен дожд, грмежи и засилен ветер

Loading...

Времето денеска претпладне ќе биде променливо облачно, а од пладневните часови и попладне на повеќе места ќе биде нестабилно со пороен дожд, грмежи и засилен ветер. Се очекува локално процесите да бидат поинтензивни со пообилен дожд за кратко време, почести електрични празнења и појава на град.
Максималната температура ќе биде во интервал од 22 до 30 степени.
Во Скопје и околината променливо облачно, околу пладне и попладне ќе биде нестабилно со повремен пороен дожд, грмежи и засилен ветер, а ќе има и услови за поинтензивни процеси и појава на град. Максималната температура ќе достигне до 29 степени.
До недела продолжува периодот на променливо облачно и нестабилно време, претпладне со почести сончеви периоди, околу пладне и попладне со локален пороен дожд, грмежи и засилување на ветерот. На места процесите ќе бидат поинтензивни со пообилен дожд за кратко време, почести електрични празнења и појава на град. В понеделник ќе дува засилен северен ветер. Температурата во следните денови нема значително да се менува.

loading...
Loading...