Расне цената на нафтата поради тензиите со Иран

Берзите изреагираа на кризната ситуација на Блискиот Исток по американскиот воздушен напад во Иран и убиството на генералот Касим Сулејмани, цената на нафтата денеска порасна, јави „Блумберг“.
Духовниот лидер на Иран, Али Хомеини вети „жестока одмазда“ за убиството на Сулејмани, генерал на специјалната единица „Ал Кудс“ на Корпусот на стражите на исламската револуција. Генералот беше убиен утринава во воздушен удар на САД недалеку од аеродромот на Багдад.
Главните европски и американски берзи реагираа по ескалацијата во регионот и го започнаа денот со намалени котирања. Од сите, најмногу добија нафтените компании, златото, јенот и хартиите од вредност, пренесува „Блумберг“.
Цените на акциите на американските и руските нафтени компании пораснаа во просек од 1.3 до 2 отсто. Цената на нафтата од марката „Брент“ се зголеми за 4 отсто, највисок резултат во последните четири месеци, јави дописникот на МИА од Вашингтон.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.