Прекрасна мека кора во комбинација со текстура богата со фил од ореви, а резултатот е совршено вкусен и волшебен ролат…
СОСТОЈКИ:
3 јајца
3 лажици топла вода
160 гр шеќер
1 ванилин шеќер
100 гр брашно
1 прашок за пециво
ЗА ФИЛ:
500 мл слатка павлака
1 ванилин шеќер
2 лажички екстракт од ванила
1 лажичка рум
150 гр мелени ореви
150 гр ситно сецкани ореви
ПОДГОТОВКА:
Изматете ги жолчките со водата, шеќерот и ванилин шеќерот. Додадете брашно измешано со прашок за пециво и цврст снег од белки. Префрлете ја смесата во намастен плех и печете во рерна на 200 степени околу 10 минути. Отстранете, префрлете на влажна чиста крпа, завиткајте веднаш и оставете да се излади. Изматете ја слатката павлака во цврст шлаг со ванилин шеќер, екстракт од ванила и рум. Одвиткајте го изладениот ролат, премачкајте со кремот, посипете со мелени и сецкани ореви, потоа повторно завиткајте и ставете во фрижидер да се излади.
Уживајте!
