РУСИЈА СТАВИ ВЕТО НА РЕЗОЛУЦИЈАТА НА СОВЕТОТ ЗА БЕЗБЕДНОСТ НА ОН СО КОЈА СЕ ОСУДУВА АНЕКСИЈАТА ВО УКРАИНА

Русија го искористи своето вето во петокот за да го спречи усвојувањето на резолуцијата на Советот за безбедност со која се осудува анексијата на четири украински региони, додека Кина и три други земји-членки беа воздржани.

РУСИЈА СТАВИ ВЕТО НА РЕЗОЛУЦИЈАТА НА СОВЕТОТ ЗА БЕЗБЕДНОСТ НА ОН СО КОЈА СЕ ОСУДУВА АНЕКСИЈАТА ВО УКРАИНА

Текстот подготвен од САД и Албанија доби 10 гласа „за“, а четири земји беа воздржани – Кина, Индија, Бразил и Габон.

Русија беше единствената што гласаше против резолуцијата.

Амбасадорката на САД во ОН Линда Томас-Гринфилд претстави резолуција со која ги повикува земјите-членки да не признаваат каков било променет статус во Украина и бара од Русија да ги повлече своите трупи.

Вашингтон сигнализираше дека по Советот за безбедност, текстот ќе биде претставен на Генералното собрание, каде ниту една од 193-те земји-членки нема право на вето.

Во петокот Русија анектираше четири украински региони, што западните земји го осудија.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.