СЕП: СЛОБОДНО ДВИЖЕЊЕ НА СТОКИ

Денес на агендата на скрининг средбите на Северна Македонија со Европската Унија во Брисел беше Поглавјето 1 – Слободно движење на стоки од Кластер 2 – Внатрешен пазар.

СЕП: СЛОБОДНО ДВИЖЕЊЕ НА СТОКИ

Слободното движење на стоки претставува една од 4-те основни слободи врз кои е изграден и функционира единствениот пазар на Европската Унија. Законодавството и институционалната имплементација на слободното движење на стоки претставуваат основа на економскиот развој.

Заменик главениот преговарач на Северна Македонија со Европската Унија, г-ѓа. Дрита Абдиу-Халили истакна дека слободното движење на стоки е од особено значење, од самиот факт што 75% од севкупната трговија во ЕУ ја сочинуваат стоките, и тоа генерира над 20% од домашниот бруто производ на Европската Унија. Северна Македонија успеа да го усогласи најголемиот дел од законодавството за ова поглавје, а институциите носители на овој процес имаат статус на независни правни тела.

Докажано е дека 1,7% од економскиот раст на домашниот бруто производ на земјите членки на годишно ниво се однесува на трговијата со стоки на единствениот пазар на ЕУ. Единствениот пазар на ЕУ им помага на земјите -членки да градат развиени и одржливи економии.

Што се однесува на единствениот пазар на ЕУ и слободното движење на стоки, законодавството на ЕУ првично беше фокусирано на отстранување на трговските бариери, но денес единствениот пазар на Европската унија адресира и други стратешки цели, како што се еколошките стандарди и човековите права.

Законодавната рамка поврзана со слободното движење на стоки постојано се унапредува и е особено важна, но уште поважна е институционалната структура која треба да ја спроведува.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.