Сите Македонци кои сакаат да влезат во Црна Гора ќе мораaт да одат во карантин 14 дена

Loading...

Институтот за јавно здравје на Црна Гора го ажурираше списокот на земји со активна стапка на случаи на ковид-19 на помалку од 25 заразени на 100. 000 жители, што значи влез во Црна Гора без карантин.
Поради зголемената стапка, Македонија веќе не е на листата на земји чии граѓани може да патуваат во оваа земја. Листата на земји од каде е безбедно да пристигнуваат туристи се меува на дневно ниво, и Македонија во четвртокот вечерта беше ставена на оваа листа, но по зголемениот број на случаи во изминативе два дена, нашата држава веќе не ги исполнува критериумите и е вратена во делот на земји од каде не е безбедно да се примаат туристи.
На списокот веќе не се наоѓаат Македонија и Ирска, во кои, по потврдени случаи денес, стапката се зголеми, објави на „Фејсбук“ Владата на Црна Гора.
Тоа ќе значи дека секој македонски државјанин кој ќе сака да влезе во Црна Гора, ќе оди во задолжителна 14-дневна изолација. До вчера не беше тоа случај.
Претходно и Хрватска не дозволи влез за наши државјани, а истото го најавуваат и некои други земји кои ќе прават црни листи на земји.
Во Црна Гора во моментов нема активен случај на Ковид-19.

 

loading...