Сникерс чизкејк (без печење)

Состојки
Основа
100 гр бисквити
50 гр несолен путер
2 лажици млеко
Чоколаден дел
100 гр црно чоколадо
100 гр Вајкрем
30 гр шеќер во прав
70 мл слатка павлака
Сникерс дел
150 гр Маскарпоне
50 гр шеќер во прав
100 гр путер од кикиритки
50 гр несолени кикиритки
70 мл слатка павлака
Ганаж
150 гр млечно чоколадо
50 гр црно чоколадо
200 мл слатка павлака
Уште потребно
50 гр несолени кикиритки

Подготовка
Ова е еден од моите омилени чизкејкови. Oбожувам кога е нешто поразлично од она што е стандардно клише за чизкејк….како и Орео чизкејкот кој понапред го објавив…
Основа
Како и секоја друга така и оваа основа, се соединуваат мелените бисквити со растопениот путер и млекото и се расплескуваат со рака на дното на силиконскиот алап на Делимано кој јас го обложив со хартија за да можам покомплетно да го извадам од калапот. Се остава да се лади основата а за тоа време веднаш се подготвува првиот чоколаден слој на овој чизкејк.
Чоколаден дел
Вај кремот се мати со миксер заедно со шеќерот и во него се додава растопеното чоколадо. На страна се мати малку слатката павлака и се додава во претходната смеса. Овој фил се распоредува врз основата и се става да се лади додека се подготвува другиот слој на чизкејкот.
Сникерс дел
Маскарпонето се мати со шеќерот. Во него се додава путерот од кикиритки и ситно мелените кикиритки. На страна се мати малку слатката павлака и потоа таа се додава во претходното. Убаво се соединува па и овој дел се премачкува врз чоколадниот дел на чизкејкот.
Ганаж
Во сад, на пареа се растопуваат слатката павлакаи чоколадите и со него се прелева чизкејкот во калапот. Веднаш врз ганажот се попрскува со сечкани кикиритки и се остава да се излади убаво неколку часа чизкејкот пред да се сече.

Овој чизкејк за разлика од другите кои во својот состав имаат и желатин, нема проблем ако се замрзнува. Јас го сакам дури и повеќе кога е полузамрзнат бидејќи е одличен за овој период од годината.

Loading...