Совршено за ужина, а подобро отколку во пекара: Најсочното пециво со сирење и бел лук

Loading...

Повкусно пециво отколку во пекара? Не е невозможно!
Имаме рецепт за вкусен леб со прелив од сирење и лук кој се топи во устата, а не ви требаат ни многу вештини за да го подготвите …
Состојки:
200 гр брашно
5 g или половина лажица сув квасец
8 гр или лажица шеќер
половина лажица сол
15 гр или 2 лажици маслиново масло за тестото
120 мл топла вода
10 гр или половина лажица сецкан лук
20 g или 2 лажици несолен путер
30 гр или лажица крем сирење
280 гр сирење моцарела
пармезан
оригано или магдонос (по избор)
Подготовка:
Истурете квасец, шеќер, топла вода. Мешајте додека не се стопи квасецот. Додадете го брашното, па солта. Откако лесно ќе ги измешате брашното и солта да се соединат, измешајте сè заедно. Месете го тестото рачно во сад додека не биде мазно и без грутки.
Додадете маслиново масло. Измесете. Покријте ја топката тесто со проѕирна фолија и оставете ја на топло место да нарасне 2 до 3 пати.
Истурете го стопениот путер. Додадете крем сирење и сецкан лук. Мешајте со шпатула додека не се соедини.
Исечете го тестото што сега порасна, на два дела.
Првата половина посипете ја со брашно, а потоа расукајте ја со сукало. Обликувајте да има правоаголна форма. Нанесете крем сирење и сос од лук над целото тесто. Посипете со моцарела. По избор нанесете оригано, па посипете пармезан.
Ставете го во загреана рерна и печете на 210 степени (околу 8 до 10 минути или додека не видите дека е готово, во зависност од рерната). Се сече на стапчиња. Уживајте во вкусот!

loading...
Loading...