Средба на претседателот Пендаровски со Жак Атали

Претседателот Стево Пендаровски на маргините на Светскиот економски форум во Давос оствари средба со Жак Атали, првиот директор на Европската банка за обнова и развој (EBRD), француски автор, професор, поранешен висок функционер и претседател на организацијата „Позитивна планета“, чија цел е борба против сиромаштијата и сите форми на исклученoст преку поддршка за најранливите заедници.

Претседателот Пендаровски на средбата со Атали, како влијателен светски интелектуалец, размени мислења за политичките случувања во Франција по реизборот на претседателот Макрон, за македонско-француските односи, како и за потребата од засилена европска солидарност и обединување како одговор на рускиот напад врз демократските вредности и безбедноста на Европа.

Атали ги сподели своите согледувања за надворешно-политичките прашања на ЕУ и воедно, претседателот беше запознаен со меѓународните активности и улогата на организацијата „Позитивна планета“.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.