Сцена која не се гледа секој ден: Град со 530 дворци во кој не живее никој

Loading...

Станува збор за градот на духови кој е исполнет со 530 минијатурни и делумно изградени дворци кои се празни.
На северо-западот од Турција во близина на градот Мудурну, се крие едно несекојдневно место по име Бурј Ал Бабас.
Станува збор за град на духови исполнет со дури 530 минијатурни и делумно изградени дворци кои се празни.


Кога браќата Јерделен во 2014 година почнале да го градат Бурј Ал Бабас, верувале дека градбите ќе потсетуваат на оние од Дизниленд и дека ќе ги купуваат богатите.
Требало да бидат изградени над 700 минијатурни дворци, а секој од нив однапред се продавал по цена од 400 до 500 илјади долари.
Покрај минијатурните дворци таму требало да се изгради и трговски центар, киносала и други објекти за забава.
Но, големата светска криза предизвикана со падот на цената на нафтата во Турција им ги сменила плановите.
Изградбата на оваа луксузна населба во која биле вложени околу 200 милиони долари, во 2019 година била запрена поради намалениот интерес за потенцијални купувачи, но и поради банкротот на инвеститорите.
Наместо луксузно место за богати, денес ова место се претворило во туристичка атракција.
Патниците кои ќе се најдат во тој крај сакаат во живо да го видат ова место кое е необично.

loading...