Тешка сообраќајка на патот Струга-Дебар, една жртва и еден тешко повреден

Во 18.55 часот на регионалниот пат Струга-Дебар се случила сообраќајна незгода помеѓу патничко возило „фолксваген голф“ со охридски регистарски ознаки, управувано од 56-годишниот Н.Ќ. од селото Г.Лакочереј, охридско, и трактор без регистарски ознаки, управуван од 48-годишниот М.Ф. од селото Велешта, струшко.
Во незгодата М.Ф. се здобил со тешки телесни повреди и бил пренесен во Медицинскиот центар во Струга, а потоа во Комплексот клиники „Мајка Тереза“ во Скопје, каде починал.
Н.Ќ. се здобил со телесни повреди и бил пренесен во Медицинскиот центар во Струга за укажување на лекарска помош.
По наредба на Јавен обвинител телото на починатиот било дадено за обдукција. Увид на местото на настанот извршила екипа од Полициската станица Струга.

Loading...