ТУРЦИЈА СО БРОДОТ ЗА ДУПЧЕЊЕ ЗАПОЧНА СО ИСТРАЖУВАЊЕ ВО СРЕДОЗЕМНОТО МОРЕ

Турскиот брод за дупчење „Абдулхамид Хан“ започна со истражување на бунарот „Јоруклер-1“ во Средоземното Море, објави во средата на Твитер министерот за енергетика и природни ресурси на Република Турција Фатих Донмез, јавува Anadolu Agency (AA).

ТУРЦИЈА СО БРОДОТ ЗА ДУПЧЕЊЕ ЗАПОЧНА СО ИСТРАЖУВАЊЕ ВО СРЕДОЗЕМНОТО МОРЕ

Четвртиот турски брод за дупчење исплови од пристаништето Мерсин на 9 август со церемонија на која присуствуваа турскиот претседател Реџеп Таип Ердоган и министерот Донмез, а на местото пристигна еден ден подоцна. Истражувачката мисија на бродот „Абдулхамид Хан“ ќе трае два месеци, по што ќе бидат објавени резултатите.

Бродот „Абдулхамид Хан“, именуван по еден од отоманските султани, се приклучил на сегашната турска флота од три брода за истражување на јаглеводороди. Овој импозантен брод е долг 238 метри и широк 42 метри, а тежи 68.000 тони. Неговата максимална длабочина на дупчење е 12.200 метри.

Има висина на кулата од 104 метри и капацитет од 200 членови на екипажот. Туркие претходно откри 540 милијарди кубни метри гас во Црното Море.

Пронајдете не на следниве мрежи: ©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.