ФН: СКОПЈАНИ ЗАДОВОЛНИ СО НОВОГОД.ПРОГРАМА- Едвај чекаат да ги видат Парни Ваљак по 167-ми пат

Жителите на град Скопје се задоволни со изборот на Парни Ваљак да ги забавува на најлудата ноќ. Тие го одобруваат овој избор и се возбудени да го гледаат бендот по 167-ми пат.
„Одличен избор. Нешто ново, нешто свежо. Ова досега не се слушнало во Скопје можеби два месеци и сега ќе имаме прилика да се потсетиме на ноември“ коментираат скопјани.
Покрај Парни Ваљак на плоштадот граѓаните ќе ги забавува и градоначалникот Петре Шилегов кој ќе се обиде за најлудата ноќ да стигне до 2000-то ниво на Кенди Креш.