Чорба со прокељ и брокула- зеленчукова чорба

Loading...

Состојки
1 главица кромид или 1/3 страк праз
1 поголем морков
6-8 главички прокељ
1 китка брокула
2лажици маслиново масло
2лажици магдонос
1 рака фиде
малку пашканат
1/2лажиче сол
1/4лажиче бибер
1лажица сок од лимон
1/4лажиче зачин
околу 1,5 л вода или бујон

Ако користите посно фиде, може да имате и посен оброк.
Во касерола ставаме масло.
Во садот на нутрибулет ги сецкаме пашканатот, морковот, кромидот.
Нив ги додаваме на умереното загреано маслиново масло.
Пржиме 1-2 минути.
Налеваме вода или бујон.
Додаваме сосема малку зачин, сол, бибер.
Сега главичките прокељ ги чистиме од надворешните ливчиња, ги миеме и сецкаме на парчиња.
Ги додаваме во садот кој е на оган.
Вариме околу 10 минути.
Цела смеса ја поминуваме со стапчест миксер, за помазна структура, но не е грешка и ако се прескокни овој чекор.
сега додаваме фиде и брокула.
Нека вари уште 4-5 минути.
Тргаме од оган па додаавме сок од лимон и сецкан магдонос.
послужуваме.
По ваш избор може да додадете целер, компир….

loading...