ЈОРДАН КАМЧЕВ Е НА СЛОБОДА, СУДОТ МУ ГИ СПОИЛ ЗАТВОРСКИТЕ КАЗНИ

Бизнисменот Јордан Камчев од 6 ноември е на слобода, откако пред еден месец ја искористил законската можност да побара и добил од Основниот кривичен суд спојување на затворските казни за случаите „Плацови на Водно“ и „Империја“.

Беше ли ова најдобро одиграната партија??
ЈОРДАН КАМЧЕВ Е НА СЛОБОДА, СУДОТ МУ ГИ СПОИЛ ЗАТВОРСКИТЕ КАЗНИ

Камчев во април годинава за случајот „Плацови на Водно“ беше осуден на една година затвор, додека за случајот „Империја“призна вина и се спогоди на една година затвор и да плати 5,2 милиони евра.

Во меѓувреме Камчев ја промени својата адреса на живеење од Скопје во Охрид со што надлежен за издржување на санкцијата стана охридскиот суд кој му издаде упатен акт за КПД Струга, кој е од отворен тип. Во струшкиот затвор тој одлежа околу четири месеци.

Камчев ја искористил законската можност и побарал, а Основниот кривичен суд Скопје му ги споил двете казни од по една година. Со оглед дека единствената затворска казна мора да биде пониска од двете казни заедно, судот му одредил четири месеци помалку односно 20 месеци, а во неговата казна му се пресметува и времето поминато во притвор во затворот „Скопје“ во Шуто Оризари, како и куќниот притвор, каде вкупно има околу 14 месеци.

За да излезе на 6 ноември од затворот Струга, Камчев, како што објавија медиумите, добил и „помилување“ од околу еден месец поради примерно однесување од директорот на затворот, а го искористил и правото на викенд и на годишен одмор од 20 дена.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.