Германските вооружени сили се подготвуваат за војна меѓу Русија и НАТО, која, според сценариото на германското Министерство за одбрана, ќе започне летото 2025 година, со нападот на руската армија на коридорот Сувалки, пишува „Билд“, повикувајќи се на таен објавен документ на Бундесверот.
На ова реагираше германскиот министер за одбрана Борис Писториус кој рече дека разгледувањето на различни сценарија е дел од секојдневните активности на армијата.
Разгледувањето на различни сценарија, дури и малку веројатни, е дел од секојдневните активности на армијата, особено за време на обуката“, рече министерот во одговорот за „Билд“.
Портпаролот на Кремљ Димитриј Песков не ги коментираше наводните планови на Русија за напад на НАТО, наведувајќи дека најверојатно станува збор за уште еден „лажен документ“.
Русија постојано нагласува дека не претставува закана за ниту една од земјите на НАТО, но дека нема да игнорира дејствија кои се потенцијално опасни за нејзините интереси. Исто така, треба да се има предвид дека во текот на 2024 година ќе се одржат две големи вежби на НАТО на границата со Русија и Белорусија, што може дополнително да ја разниша безбедносната ситуација во Источна Европа.
Пронајдете не на следниве мрежи:
