Кина има итна потреба од медицински маски, како и заштитни одела и очила, изјави денеска портпаролката на Министерството за надворешни работи Хуа Чунџинг.
Таа информира дека некои земји, меѓу кои и Јужна Кореја, Јапонија, Казахстан и Унгарија, веќе донирале медицински материјал. Кинеските фабрики можат да произведат 20 милиони маски на ден, но масовното зголемување на побарувачката значи дека тоа не е доволно, пренесува „Саут Чајна Морнинг Пост“ (South China Morning Post).
Весникот додава дека болниците во поголемите градови ги повикале граѓаните да донираат медицинска опрема, како што се маски за лице.
Во Кина досега од последици од коронавирусот починале 361 луѓе, што го надмина бројот на жртви од САРС, додека 17.205 се заразени.
Најмалку 171 случаи се пријавени во повеќе од дваесет други земји и региони, од САД до Јапонија.
