Откако Роберт Маталин (37) и неговата девојка Дорис Грегорина (22) изнудувале пари од луѓето лажејќи за болеста на Роберт, против нив е покренато обвинение, јавуваат хрватските медиуми за случајот од 2018 година.
Дорис потоа започна хуманитарна кампања за собирање помош за Роберт, за кого измислиле дека боледува од леукемија, и посочи дека му требаат 770.000 куни (околу 100.000 евра) за трансплантација на коскена срцевина. Стотици луѓе, компании и институции донираа пари, а меѓу нив беше и познатиот фудбалер Ведран Чорлука, кој донираше 35.000 куни. Златко Далиќ дал 3.000 куни, а меѓу оние кои платиле за лекување на Роберт биле и Марко Грубниќ и други познати личности, пишува Даница.хр.
Имено, Маталин тврдеше дека боледува од акутна миелоидна леукемија и дека операцијата која може да му го спаси животот се прави само во три земји – Америка, Германија и Турција, па затоа беше покрената голема хуманитарна кампања со цел да му се овозможи да ги собере потребните средства.
Се испостави дека оваа операција се прави и во Хрватска, како и дека Маталин никогаш не бил пациент на докторот за кој тврди дека го лекувал, со цел да се најдат документите кои би ја потврдиле неговата болест.
Од собраните 31.000 евра, Роберт и Дорис купиле нов автомобил, VW Golf „седмица“. Советникот во нивната општина Дубравица заклучил дека автомобилот е купен со пари од хуманитарна помош, бидејќи Дорис и Роберт не се вработени. Парот до сега се бранеше со молчење, а доколку се докаже нивната вина, ќе треба да ги вратат сите пари на речиси илјада луѓе кои донирале.
Пронајдете не на следниве мрежи:
