Возачот на Формула 1 Михаел Шумахер пред пет години доживеа тешка несреќа на скијање и од тој ден за неговата здравствена состојба не се знае ништо, бидејќи семејството крие детали и не дава изјави за јавноста.
Меѓутоа, по толку години пауза овој пат сопругата на возачот одлучи да даде изјава за јавноста.
-Сите знаеме дека Михаел Шумахер е голем борец и дека нема да се откаже, рече кратко за германски „Бунте“, сопругата Корина.
Инаку да потсетиме дека германскиот музичар Саша Херченбах на Шумахер му посвети песна со наслов „Роден да се бори“, а оваа песна му се допадна и на семејството на возачот на Формула 1.
-Сакаме искрено да ти се заблагодариме за твојот преубав поклон кој нас ни помогна во овие тешки денови. Сјајно е а примите толку многу убави желби и зборови, вели Корина.
Корина инаку до сега не даваше изјави во јавноста поради неговата тешка здравствена состојба, а семејството досега секогаш се изјаснувало во јавноста само преку пишани соопштенија до јавноста.
