5 начини како да спречите снег и кал да влезат во вашиот дом

Loading...

Зимското време дополнително на многумина им ја отежнува чистотата во домовите, особено на домаќинките. Снегот, калта и другите нечистотии лесно и брзо се шират низ станот, а тоа е она што не го сакате. Еве како да го одржувате домот чист и да заштедите време.
За да го зачувате вашето здравје и да заштедите време и пари, треба да воведете некои правила и да ги натерате домашните да ги почитуваат.
Експертите советуваат дека можете да ги искористите овие пет начини за да спречите кал, нечистотија и снег да влезат во вашиот дом.
1. Задолжително соблекување
„Како мајка на две деца, не ми се непознати калливите чевли во куќата. Затоа рано го усвоив правилото ‘соблечи ги чевлите’, кое моите деца го следат. Така штом ќе влезат внатре, веднаш ги ставаат чевлите на местото предвидена за тоа, а потоа продолжуваат со тоа што планирале да го направат“, вели Лаура Рејносо, експерт за уредување на домот.
2. Додадете килимче
„Бидејќи не можеме да побегнеме од сите форми на нечистотија, открив дека додавањето на килимче или тепих веднаш до вратата е идеално решение за фаќање барем дел од нередот пред да влезете во кдомот“, советува Рејносо.
„Побарајте обичен килим за влезната врата или со ребрест дизајн. Ова ќе помогне да се задржат нечистотијата и влагата во вдлабнатините за да не се шири нечистотијата внатре во домот“, додава Криста Ендлер, продавачка во салон за мебел.
3. Набавете чергиче и метла
Никогаш не го потценувајте доброта чергиче пред вратата.
„Јас чувам чергиче пред вратата за секој што ќе влезе дома. Тие се едноставни, а можат да послужат и како празничен декор. Можете да го менувате секоја сезона бидејќи не се премногу скапи. Чувајте цврста и висококвалитетна метла во плакарот и ходникот за да ја соберете целата нечистотија од влезот“, вели Ендлер.
4. Обрнете внимание на подовите
Ако имате услови, најдобриот начин да го одржувате домот чист е да имате просторија како што е мал ходник или предсобје, каде што ќе ги оставите чевлите, а потоа одвреме-навреме да ја отстранувате нечистотијата. Имајте на ум дека најдобро е подот да е направен од издржлив материјал како што се плочки, за да може да издржи вода и други нечистотии.
5. Направете своја просторија за соблекување
Повеќето луѓе влегуваат во своите домови или преку влезната врата или преку влезот во гаражата – ако користите некои од нив, лесно е да направите импровизирана просторија за вадење чевли.
„Во гаражата, пред куќата или во ходникот, поставете душеци за големи површини за да спречите нечистотија да влезе во куќата“, предложува Ендлер. Таа исто така препорачува да поставите доволно полици за да може чевлите да се тргнат од пат, но да се на дофат. Шкафовите се пожелни и за предмети за домаќинството, спортска опрема, јакни и палта.

loading...
Loading...